Етнологија и антропологија

Стручен академски назив: дипломиран етнолог и антрополог  

Научно подрачје и поле: општествено и хуманистичко, етнологија и антропологија  

Обем и организација на студиската програма: осум семестри (4 години)

Вкупен број кредити: 240 

Целосната програма за I циклус студии по етнологија и антропологија

Студиската програма по етнологија и антропологија се состои од 4 години (8 семестри) со што студентите добиваат 240 кредити (EKTС). Професионалната титула по завршување на првиот циклус студии и одбраната на дипломската работа е дипломиран етнолог и антрополог.

Овие додипломски студии и програмата се организирани за стекнување на VII/1 степен образование и целосно исполнување на дескрипторите за квалификации. Студиската програма дава можност за понатамошна континуирана едукација на повисоко ниво т.е. втор циклус студии во различни области (модули) на етнологијата и антропологија.

Подолу се наведени поважните информации за студиската програма. За подетални податоци, преземете го елаборатот за студиската програма.

Начин на финансирање

Кандидатите се запишуваат како редовни студенти финансирани од државата, редовни студенти со кофинансирање и вонредни студенти на Институтот за етнологија и антропологија.

Услови за запишување

Условите и критериумите за запишување на студентите на студии на Универзитетот „Св. Кирил и Методиј“ ги пропишува Ректоратот на Универзитетот во согласност со законските прописи и препораките на Министерството за образование и наука на Република Македонија.

Право на запишување на прв циклус студии на Институтот за етнологија и антропологија имаат кандидати кои положиле државна или меѓународна матура. Право на запишување на прв циклус студии на Институтот имаат и кандидати кои положиле училишна матура во гимназиско образование или завршен испит по завршено стручно средно образование со четиригодишно траење. Право на запишување на прв циклус студии имаат и кандидати со завршено четиригодишно средно образование во претходните учебни години (пред учебната 2007/2008 година) кои не полагале државна матура.

Листата на задолжителни предмети за студиите по етнологија и антропологија е дадена во следните табели (П - предавања, Т - теориски вежби, Л - лабораториски вежби):